Accueil FORUM Inscription/connexion
Poésie d'hier / Ballade de l'amie perdue
Poésie d'hier / Ballade de l'amie perdue
Poésie d'hier / Ballade de l'amie perdue

Ballade de l'amie perdue
par Alain CHARTIER


Je ne fu nez fors pour tout mal avoir Et soustenir les assaulz de Fortune. Qu'est ce de bien ? Je ne le puis savoir, N'oncques n'en eus ne n'ay joie nesune. Je fusse mieulx tout mort cent fois contre une Que de vivre si doulereusement. Ce que je vueil ne vient tout autrement, Car Fortune a pieça ma mort juree. Il me desplaist de ma longue duree Ne je n'ay plus de vivre grant envie, Mais me murtrit douleur desmesuree Quant je ne voy ma doulce dame en vie. J'ay perdu cuer, sentement et savoir. Plourer a part, c'est mon oeuvre commune. Plains et regrez sont mon plus riche avoir, Ne je ne compte en ce monde une prune. Tout m'ennuye, ciel et soleil et lune, Et quanqui est dessoulz le firmament. Je desire le jour du jugement Quant ma joie est sous la tombe emmuree Et que la mort m'est rude et aduree Qui m'a tolu celle que j'ai servie, Dont j'ay depuis longue peine enduree, Quant je ne voy ma doulce dame en vie. Je n'attens rien que la mort recevoir. Mon cuer a pris a ma vie rancune. La mort en fait lachement son devoir Quant el n'occit et chascun et chascune, Sans espargnier ne beauté ne pecune. Mais, malgré tout lour efforceëment*, Je la requier craignant duel et torment Et elle soit par rigueur conjuree. Elas ! pourquoy m'a elle procuree Mort a demy sans l'avoir assouvie ? Vie en langueur, telle est ma destinee, Quant je ne voy ma doulce dame en vie.



Poème posté le 08/03/11 par Rickways


 Poète
Alain CHARTIER



Sa carte de visite Cliquez ici pour accéder à la carte de visite de l'artiste (Sa présentation et l'ensemble des ses créations)





.