Accueil
Poésie d'hier / Franciscae meae laudes
              
Poésie d'hier / Franciscae meae laudes
         
Poésie d'hier / Franciscae meae laudes

Signaler un contenu inaproprié.

Franciscae meae laudes
par Charles BAUDELAIRE


Novis te cantabo chordis, Ô novelletum quod ludis In solitudine cordis. Esto sertis implicata, Ô femina delicata, Per quam solvuntur peccata ! Sicut beneficum Lethe, Hauriam oscula de te, Quae imbuta es magnete. Quum vitiorum tempestas Turbabat omnes semitas, Apparuisti, Deitas, Velut stella salutaris In naufragiis amaris… Suspendam cor tuis aris ! Piscina plena virtutis, Fons aeternae juventutis, Labris vocem redde mutis ! Quod erat spurcum, cremasti ; Quod rudius, exaequasti ; Quod debile, confirmasti. In fame mea taberna, In nocte mea lucerna, Recte me semper guberna. Adde nunc vires viribus, Dulce balneum suavibus Unguentatum odoribus ! Meos circa lumbos mica, Ô castitatis lorica, Aqua tincta seraphica ; Patera gemmis corusca, Panis salsus, mollis esca, Divinum vinum, Francisca !

Les fleurs du mal

Poème posté le 26/09/23 par Rickways


 Poète
Charles BAUDELAIRE



Sa carte de visite Cliquez ici pour accéder à la carte de visite de l'artiste (Sa présentation et l'ensemble des ses créations)





.